Tips ko para sa mga incoming college frosh & first day ng school sa college

Syempre, dahil malapit na ang pasukan (okay medyo malayo pa. HAHAHAHA. Medyo magulo. XD) gusto kong magbigay bahagi ng mga konting kalaman sa mga incoming frosh. HAHAHAHA.
Kasi syempre magkakaron na naman ng mga bagong first year students. Pwedeng sa high school o sa college. Tapos sa elementary, mga grade 1 naman, at pag-NKP, e syempre Nursery.

Magbibigay ako ng mga tips para sa mga incoming first year college students. Eto ay base sa experience at sa mga payo rin sakin ng ibang mga upperclassmen, mga nakakatanda, at yung ibang mga nabasa ko. 

Dahil ito dun sa tanong ng isang anon sakin nung nakaraan pa sa Tumblr. Pero nagpakilala rin saken si ate. HAHA. 

Anonymous said: Hi! Any tips po for college frosh? Ano po ba ginagawa pag first day?

So eto yung naging sagot ko kay anon:
Hi rin po anon! :) 

Nice naman, anon. Incoming first year ka na ano? Tara sayaw! HAHAHAHA.

Medyo mahaba pero sana maging helpful at sana magustuhan nyo! :)

---------------------------

Tips ko para sa mga incoming college frosh & first day ng school sa college:

Pumasok ka sa unang araw ng klase! Yung iba kasi di pumapasok, kasi syempre iniisip nila first day lang naman ng klase, o baka wala namang pumuntang prof. Yung tipong, wala namang gagawin, o what kaya di sila napasok.

1^st day mo yun bilang college! Kaya dapat pumasok ka.

Mas maganda rin kung papasok ka ng mas maaga sa first day. Bagong school, bagong campus kasi syempre. Di mo pa kabisado yung lugar, at baka mawala ka at ma-late. Minsan kasi may mga napasok na na mga profs a unang araw, minsan naman ay wala. Wag ka rin mahihiyang magtanong sa mga tao sa school. Pede naman magtanong kina kuya/ate guard, o kaya kina kuya/ate maintenance.

Tapos don’t be shy/afraid to make new friends! Kasi diba kung magkaka-block kayo sila rin yung makakasama mo sa isang buong sem. Bale 5 months din yon. Lahat naman kayo ay 1^st year at kabado rin. Natural lang kabahan. Kung wala mang dumating na prof, edi at least may mga kakilala ka na, diba? Di ka na loner, tapos may posibleng kasabay ka na pagkumain or umuwi kung pareho kayo ng lugar o daan.

Dapat lagi kang ready. Di lang para sa lesson kundi syempre yung gear mo dapat ready ka rin. Dapat may dalang kang yellow pad, envelope, 1x1 o/at 2x2 na pictures mo, binder, barya, tubig, payong, ballpen, at dapat dala mo rin yung registration card/form mo. Medyo marami, pero I’ll explain kung bat essential naman sila.

- Yellow pad. Kasi dapat meron ka non.

Ano ba naman yan, college ka na wala ka pa ring papel?! XD

Di rin kasi lahat ay namimigay ng papel. Mahirap pag wala kang papel. Kung di mo kayang bumili ng maramihan, pede naman yung mga pa-tatlong pisong yellow pad, diba?

- Envelope! Dito mo ilalagay yung mga handouts nyo, pati yung mga quizzes, seatworks, homeworks nyo. Para di sabog-sabog sa bag mo, at alam mong nasa isang lugar lang.

- 1x1 or 2x2 pictures. Yung ibang prof kasi humihingi nito. Para di ka na masyadong gagastos sa kakapa-picture.

- Binder! Dito mo isusulat. Yung mga notes nyo.

Minsan, di nyo na kailangan o d ng isang libro para sa isang subject. Magtake down ka ng notes, kahit di sinulat ng prof sa board, kasi di lahat ng prof nagsusulat sa board. Yung iba dinidictate nalang. Basta importante, ha? Kasi mahirap na, di mo sinulat tapos biglang lumabas sa quiz/exam nyo. Lagot! Hahahaha.

Maganda at pwede ring pang-doodle pag bored ka na sa klase. Para iwas antok! Hahahaha. Joke. XD 
- Barya. Maraming purposes ang barya sa buhay ng isang estudyante. Importante ito kung sasakay sa jeep o magpapa-xerox copy ka. Iwas hassle kasi di na kailangang magpabarya ni ateng/kuyang nagxexerox kung barya ang ibabayad mo. Pati kung nag-aaral ka sa Maynila, alam mo naman na madalas ay bahain dito. May mga tubig sa gilid, at di ka makadaan ng mainam. Minsan gagawa yung mga tao ng tulay-tulay. Mag-aabot ka lang naman ng barya sa kanila. Mahirap na kasi pag buo pera mo, di ka na susuklian non! Hahahaha.

- Tubig. Drinking water ha! Importante to di lang dahil para rehydrated ka lagi, kundi kung iikot-ikot ka sa loob ng school, o sa labas ng school, di mo na kailangang bumili. Makakatipid ka rin kahit papano, diba?

- Payong. Panangga mo sa init at ulan. Lalo na pag sa ulan. Nako! Mahirap pag walang payong, tapos naulan at commute ka pa, at malayo ang bahay mo. HAHA. Wet look ka na non!

- Ballpen. Baka kasi may papel ka nga, wala ka namang ballpen. Ansabe naman non, diba? College na nanghihiram ka pa rin ng ballpen?! xD Uso mahiya, fre. Hahahaha. Pati maganda kasi yung may sarili ka na, diba?

- Registration card/form. Hihingin kasi to sayo ng mga prof. Isasauli rin naman syempre. Pati kung maiwan mo man ang i.d mo, at least papapasukin ka ng mga guard, diba?

Tapos wag kayong matakot mag-explore ng mga kakainan, kasi based on experience, may iba akong mga ka-block na mahilig lang sa mga fastfood kumain. Yayayain ka nila don syempre! Okay din namang kumain sa mga fastfood, kaso may pagkamahal diba? Magpakasawa na kayo sa fast food chains. HAHAHAHA.

I know medyo crazy o unusual tong payo na to, pero kung ikaw ay nagtitipid at nag-iipon, pero malakas kumain, helpful naman to.

Pwede ka rin namang magbaon nalang ng pagkain mo, e.

Kung medyo tight ang budget mo, maraming pedeng kainan dyan. Lalo na kung sa may U-Belt ka banda. Affordable na student meals, malinis din namang kainan. Don’t be afraid to explore! 
Kaso hinay lang, ha? Baka kasi hepa o sakit ang makuha. Pag may natripan at maayos na kayong kainan na nahanap, pede na kayong magpabalik-balik don. Suki na, diba? HAHAHAHA.

Sa college din pala, di na ganong mahigpit sa inyo ang mag tao. Di tulad nung hs, bawal lumabas ng campus, o ano man.

Minsan din masyadong malaki ang free time, o break. Kunwari unang klase mo, 1030-1130, tapos next naman ay 330-430. Pede kang lumabas ng school sa oras na yun o tumambay sa mall, o pede namang sa loob ka nalang ng school tumambay.
Maganda tumambay sa library, o kaya sa garden ng school nyo, o kaya sa canteen. Basta kung saan nyo feel sa loob ng campus nyo. Para di nyo na kailangang lumabas pa ng school. Mahirap kasi gagala ka pa sa labas, tapos male-late kang makabalik sa isang subject mo kasi natrapik ka pa.

Minsan may subject talaga tayong nahihirapan, na kahit anong paliwanag ng prof o ni classmate, don sa topic, di natin magets. Take time na mag-aral para don sa (mga) subject na yon. Pede kang mag-aral don sa library nyo. Maganda rin kung mag-a-advance reading ka para sa mga subjects mo kinabukasan, para ready ka sa lesson nyo. 

Labanan ang katamaran! Oo, mahirap talaga to. TRY! Oo, nakakatamad talaga yung ibang subjects, at baka ayaw mo nang pasukan, pero pumasok ka! 
Pilitin mo sarili mo.

May maximum kasi na absences lang na pede, at syempre baka maubos mo kagad yon kung lagi kang magsskip ng klase. Baka pag kailangan mo na talagang maging absent, e di mo na magamit.

Pati mahirap maghabol pag may namiss kang isang session ng klase nyo. Malay mo, nagkaron pala kayo ng surprise quiz, graded recitation o anumang graded na activity.

Madalas walang paki-alam yung mga prof o/at yung iba mong mga kaklase sayo kung pumasok ka man o hindi. Kaya dapat maging responsible ka sa mga actions mo. Kasi lahat ng actions may consequences. Baka ngayon, e-enjoy-enjoy ka kaka-skip ng classes, tapos di mo alam dropped ka na pala.

Natural lang na tamarin, pero isipin mo rin na possible mong ulitin ang subject na yan. Pati ang paghihirap nung mga nagpapaaral sayong mga tao. Kahit namang sabihin mong scholar ka, syempre kailangan mong i-maintain yan.
Di lahat ng tao nabibigyan ng opportunity na makapag-aral sa college, so habang may chance, grab it.

Diba, napayo ko na ang maging friendly ka at make new friends? Pero syempre, kilalanin mo rin yung mga kaibigan mo talaga. Sabi nga ng tatay ko, sa college mo makilala lahat ng klase ng tao.
Maraming parasite dito sa mundo, yung lalapit lang sayo pag may kailangan. Tapos pag ikaw naman yung may kailangan, di mo malapitan o kaya nawawala nalang ng parang bula. Marami ring mga bad influence at bad odor! Djk HAHAHAHAHA. Nako! Masaya gumala, pero di mo alam wala ka na palang lifeline (allowed na pedeng absent)! Ingat sa mga ganon.

Know them muna!

Pati ikaw sa sarili mo, wag kang maging bi, parasite, o user! Nako. Bad yon!

Pati sabi nga ni Kuya Rhads (matabangutak.tumblr.com), na lagi mong tandaan na kaya ka nag-aaral kasi gusto mong makatapos. As much as possible, iwas landi muna. Pede naman magka-crush. Hahahahaha. Pero masyado pa tayong bata for anything serious, pero kung kaya mo naman, at pede ka na magkaron ng bf/gf, gora lang! =))))) Basta wag kalimutan ang studies! 

Di talaga maiiwasan ang mga terror na prof! Pero di naman lahat ng prof ay terror. May mga prof din na mga mababa talaga magbigay ng grades kahit anong effort ang gawin mo sa subject nya. Lahat din talaga ng mga klase ng professor ay makilala mo. HAHAHAHAHA! Get to know them! Yung iba super kalog. =)))))) Pero wag mong kalimutan na prof pa rin sila, kaya ingat lang! Kasi baka naglolokohan kayo sa klase, tapos grabe mong dinarag o binara ang prof nyo. Kahit na kalog sya, syempre respeto pa rin ang kailangan.

Love your school! Be proud of your school!
School pride ika nga nila.
Manuod kayo ng mga games ng university nyo. Wag lang puro basketball, ha? May iba pang sports! Magcheer ka para sa school mo hanggang mapaos! HAHA. Joke. XD YEAH!

Last but not the least, enjoy! Di pa kasi ganon ka-hectic pag first year ka palang sa college. Pero wag masyado, ah? Kasi mahirap na baka sa sobrang enjoy mo, e madrop o ma-fail ka sa iba o karamihan o lahat ng subjects mo.

Mahirap maging irreg! Di ko pa nasusubukan (at ayoko), pero yun ang sabi nila. Di lang dahil sa gastos ulit next sem. Syempre mahihiya ka rin sa mga nagpapaaral sayo lalo na kung di ka scholar. Pati kung scholar ka man, syempre posibleng mawala yon. Pati kasi kukunin mo na naman yung subject na yun, at dahil di mo na ganong makakasama yung mga naging friends mo na nung 1^st sem.

Tapos treat yourself paminsan-minsan. Mahirap kasi pag sobrang stressed ka na sa (isang/mga) subject(s) mo. Pede kang mag-ice cream, magpa-massage, basta do anything you love that relaxes you! Di kailangan na laging pressure! Chill! Enjoy your first year in college!

—Yan lang mga mapapayo ko sa mga incoming first year college. XD Sana helpful! :)) 

Welcome to college! :) 

Pm nyo ko kung gusto nyo makuha link nung original post. LOL